Жазғы саяхат эссе…………………….. ​

Вопрос школьника по предмету Қазақ тiлi

Жазғы саяхат эссе…………………….. ​

Ответ учителя по предмету Қазақ тiлi

Ответ:

Қазақ тілі және әдебиеті

Агибаева Самал

Жазғы саяхатымды қалай өткіздім

Әр баланың асыға да, сағына күтетін бақытты сәті жазғы демалыс кезі. Тоғыз айлық оқуды аяқтаған соң балалар жазғы демалысқа шығады. Биылғы жылдың демалысы мен үшін өте қызықты да, көңілді өтті. Себебі ата — анам бізге тосын сый жасады. Біз үшін күтпеген жағдай болды. Астана қаласына қыдыртып, «Экспо — 2017» көрмесіне, Алматы қаласына алып барып қыдыртты. Астана қаласына барғанымыз қатты ұнады. Биік — биік болып салынған, әсем үйлер, тап — таза көшелері сондай әдемі. Біз барған «Ханшатыр» сауда орталығында балаларға арналған ойын алаңдары бар екен. Неше түрлі қызықты дүниелерді көріп таң қалдым. Жер асты мұхиты атанған «Думан» ойын — сауық орталығындағы балықтың неше түрі бар екен. Тасбақаның түрлерін, үлкен акулаларды, кіп-кішкентай, түрлі түсті балықтарды көрдім. Өте қызықты болды. Содан соң аспанмен таласқан әткеншекке отырдық. Онда Астана қаласы алақандағыдай көрінеді екен. Әткеншектің терезесінен «Бәйтеректі», «Ханшатырды» қай жерде тұрғанын көріп алдық та жаяу араладық. Жаяу көп жүрсек те, еш шаршаған жоқпыз. Айналаның бәрі қызықты. Тамашалап жүріп тез жетіп алдық. Астанадағы бір күнімізді осылай қыдырумен өткіздік.

Келесі күнді ата — анамның айтуы бойынша «Экспо — 2017» көрмесіне арнадық. Экспоға ең алғаш барғанда үлкен шар көзіме түсті. Бұл еліміздің «Нұр әлем» деп аталатын павильоны екенін ата — анам түсіндірді. Ішіне кіріп араладық. Сегіз қабаттан тұрады екен. Оның ішінде галактика, су бұрқақтар, Күн жүйесі, сегізінші қабаттағы әйнектен салынған көпір, айнадан жасылынған төбе, дәндерден жасалған еден, Ғарыш айлағы, ғарышкердің мүсіні, айдың беті бейнеленген жер бәрі — бәрі қатты ұнады. Сонымен бірге басқа да шет мемлекеттердің көрмелерін де тамашаладық. Олардың ішінде Германия павильонындағы лазерлік шоу, Мәскеу павильонындағы мұзтау, Тайланд елінің павильонында жүгері туралы мультфильмді көрдік. Африка елі қолдан жасалған бұйымдарын саудалады, ән айтып, би биледі. Осылардың ішінде өзіме қатты ұнағаны еліміздің ұйымдастырған көрмесі. Көрменің маңыздылығы ғалымдардың ашқан жаңалықтары, болашақта жасыл энергияны, жарық пен жылуды қалай пайдалану жолдарын көрсеткен.

Астана қаласынан кейін Алматы қаласына бардық. Ол қала да үлкен қала екен. Алматы қаласы анамның айтуы бойынша ескі, мың жылдық тарихы бар көне қала екен. Ол қалада «Көктөбеге» арқан бойымен көтерілдік, таудан түнгі Алматының әсем көрінісін тамашаладық. Хайуанаттар бағына барып жануарлардың түр — түрін көрдік. Басқа да толып жатқан қызықты оқиғаларды басымыздан өткердік.

Маған биылғы жазғы демалысым өте қызықты болды. Экспо көрмесін тамашалау екінің біріне бұйыра бермейді. Сондықтан бар әлем көз тіккен көрмені тамашалау бақытын сыйлаған ата — анама алғысым шексіз. Маған бәрі қатты ұнады.